Şimali Koreyada koronavirusa görə tətbiq olunan karantin qaydalarını pozaraq ölkədən qaçmaq istəyən iki nəfər edam edilib.

Sabah.az xəbər verir ki, bu barədə “Daily Mail” məlumat yayıb.

Bildirilib ki, qaçanlar Çinə yaxın Yanqandobölgəsində yaşayan təxminən 50 yaşındakı cütlük olub. Onların yanında qadının 14 yaşlı qohumu da olub. Onların məqsədi yanvardan bəri bağlı olan sərhədi pozaraq ölkədən qaçmaq olub. Saxlanılan cütlük heç bir məhkəmə qurulmadan edam edilib. Yeniyetmənin isə yaşı uyğun olmadığı üçün edamdan qurtulub.