İslandiya hökuməti ölkədə koronavirusun yayılmasını faktiki olaraq aradan qaldırdığını elan edib.

Sabah.az “RİA Novosti”yə istinadən xəbər verir ki, rəsmilər ölkədə yoluxanların 97 faizinin artıq sağaldığını deyib:

"İslandiyada COVID-19 testi müsbət çıxan 1799 nəfərdən 1750-si artıq sağalıb. Təəssüf ki, xəstəlik 10 nəfərin ölümünə səbəb oldu".

Bildirilib ki, indi ölkədə 39 koronavirus infeksiyası yoluxan var, onlardan 3-ü xəstəxanalarda qalır, lakin onların vəziyyəti üçün narahatlığa əsas yoxdur.

İslandiyada hökümət bazar ertəsi planlaşdırıldığı kimi, martın 16-dan tətbiq edilmiş məhdudlaşdırıcı tədbirlərin ləğvinə başlayıb.