Dünyada yeni növ koronavirus (COVİD-19) səbəbindən ölən insanların sayı 200 mini keçib.

Sabah.az xəbər verir ki, bu barədə COVİD-19 aşkarlanan ölkələrdəki yoluxma faktları ilə bağlı araşdırma aparan "Worldometer" saytı məlumat yayıb.

Bildirilib ki, indiyə kimi dünyada koronavirus infeksiyasına yoluxanların sayı 2 867 574 nəfərə çatıb, 200 min 400 insan ölüb.

Bildirilib ki, COVİD-19 səbəbindən ən çox ölüm hadisəsinin yaşandığı ölkə 52 838 nəfərlə ABŞ-dır. Ondan sonra isə İtaliya (26 384), İspaniya (22 902), Fransa (22 245), İngiltərə (20 319), Belçika (6 917), Almaniya (5 805), İran (5 650) və Çin (4 632) gəlir.