Gürcüstan ölkədə minik avtomobillərinin hərəkətinə qadağa tətbiq edəcək.

Sabah.az “RİA Novosti”yə istinadən xəbər verir ki, bu barədə Gürcüstan baş nazirinin mətbuat katibi İrakli Çikovani məlumat verib.

O bildirib ki, aprelin 17-i saat 12.00-dan ayın 21-dək bütün növ minik avtomobillərinin ölkə daxilində hərəkətinə qadağa qoyulur. Bu tədbir yeni növ koronavirusun (COVID-19) yayılmasının qarşısını almaq üçün tətbiq olunur.

Gürcüstan hökuməti daha əvvəl fövqəladə vəziyyət rejimini mayın 10-dək uzatmaq qərarına gəlib, eyni zamanda ölkənin böyük şəhərlərinə, o cümlədən Tbilisiyə giriş-çıxış qadağan olunub.