Ukrayna şəhərləri atəşə tutuldu - 10 ölü, 60 yaralı+Yenilənib

DÜNYA
17:56
10 Oktyabr 2022
711

Bu gün səhər saatlarında Ukraynanın paytaxtı Kiyevdə və Dnepr şəhərində güclü partlayışlar baş verib.

Sabah.az Ukrayna mediasına istinadən xəbər verir ki, paytaxtda 4 güclü partlayış səsinin eşidildiyi bildirilir.

Dneprdə isə azı 3 partlayışın baş verdiyi qeyd olunur.

***

Ukrayna daxili işlər nazirinin müşaviri Anton Geraşenkonun sözlərinə görə, Kiyevə atılan raketlərdən biri Vladimirskaya küçəsinə düşüb. Bildirilir ki, Ukrayna Təhlükəsizlik Xidmətinin ofisi məhz bu küçədə yerləşir. Həmçinin Ukrayna Prezidenti Volodimir Zelenskinin ofisi də həmin əraziyə yaxın məsafədədir.

***

Ukrayna mediası Kiyev və Dneprlə yanaşı, Jitomir, Xmelnitski vilayətlərində, Ternopil, Lvov, Obuxov şəhərlərində də partlayışların baş verdiyini yazır.

***

A.Geraşenko Kiyevə atılan reaktiv daşıyıcının uşaq meydançasına düşdüyünü bildirib. O, hadisə yerindən foto da paylaşıb.

***

Hazırda Kiyevdə partlayışlar davam edir. Paytaxtda bütün yeraltı stansiyalar sığınacaq olaraq istifadə olunur və qatarların hərəkəti dayandırılıb.

***

Kiyevdə partlayışlar nəticəsində ölən və yaralananların olduğu bildirilir.

***

A.Geraşenkonun sözlərinə görə, Kiyevdə 5 nəfər ölüb, daha 12 nəfər isə yaralanıb. Onların hər birinin mülki şəxs olduğu qeyd olunub.

***

Ukraynanın daxili işlər nazirinin müşaviri Rostislav Smirnov Kiyevdə həlak olanların sayının 8-ə çatdığını, 20-dən çox insanın isə yaralandığını açıqlayıb.

***

Ukrayna mediası bu gün raket atəşinə məruz qalan ərazilərin xəritəsini yayıb.

***

Ukrayna Milli Polisinin nümayəndəsi Marianna Revanın sözlərinə görə, raket zərbələri nəticəsində 10 ukraynalı həlak olub, təqribən 60 nəfər isə yaralanıb.

O, həmçinin bildirib ki, Rusiya Ukraynanın 15 bölgəsinə zərbə endirib.

Xəbər lenti