Azərbaycan əsilli iş adamı Vahid Ələkbərov “Lukoyl”un direktorlar şurasını və şirkətin rəhbəri vəzifəsini tərk edib.

Sabah.az “RİA Novosti”yə istinadən xəbər verir ki, bu barədə “Lukoyl” şirkəti məlumat yayıb.

Xatırladaq ki, bir müddət öncə Böyük Britaniya Vahid Ələkbərova qarşı sanksiya tətbiq edib.

“Bloomberg Billionaires Index (BBI)” reytinqinin məlumatına əsasən, cari ilin əvvəlindən 71 yaşlı Vahid Ələkbərovun sərvəti 17,4 milyard dollar həcmində azalıb. Dekabr ayında milyarderin sərvəti 26,16 milyard dollar olaraq qiymətləndirilirdi.