Ulduz futbolçu Devid Bekhem 71 milyondan çox izləyicisi olan instaqram hesabının istifadəsini Ukraynanın Xarkov şəhərində Perinatal Mərkəzin rəhbəri İrina Kondratovaya verib.

Sabah.az xəbər verir ki, bu barədə instaqram hesabında məlumat verən ulduz futbolçu bununla Ukraynadakı müharibənin acı nəticələrinə diqqət çəkmək istədiyini bildirib:

“İrina xəstəxanada hamilə qadınlara sağlam doğum həyata keçirmələri üçün kömək edir. Bu xəstəxanada çətin vəziyyətdə olan yeni doğulanlara tənəffüs aparatı bağışladığınız üçün təşəkkür edirik. Səhifəmdə İrina və tibb işçilərinin həyat qurtarmaq üçün mükəmməl çalışmaları haqqında daha çox məlumat əldə edəcəksiniz. Lütfən, əlinizdən nə gəlirsə bu insanları dəstək olun”.

Artıq futbolçunun səhifəsinin “story” bölümündə ukraynalı həkimin xəstəxanadan paylaşımları yer alır.

Futbolçunun bu addımı izləyiciləri tərəfindən yüksək qiymətləndirilib.