Müəllimlərin təkrar imtahanların vaxtı açıqlandı

TƏHSİL
13:38
31 İyul 2021
1546

Təhsil Nazirliyi müəllimlər üçün təkrar imtahanların keçiriləcəyi tarixi açıqlayıb.

Sabah.az xəbər verir ki, nazirliyin mətbuat xidmətindən verilən məlumata görə, 2021-2022-ci tədris ili üçün müəllimlərin işi qəbulu müsabiqəsi üzrə keçiriləcək təkrar test imtahanları ilə bağlı məlumat namizədlərin şəxsi səhifələrinə göndərilib.

Namizədlər şəxsi səhifələrinə daxil olaraq imtahanların keçiriləcəyi tarix və məkanla tanış ola bilərlər.

Avqustun 3-də Azərbaycan dili və ədəbiyyat, avqustun 4-də isə ibtidai sinif üzrə imtahanların təşkili nəzərdə tutulub.

Qeyd edək ki, ibtidai sinif və Azərbaycan dili və ədəbiyyat fənni üzrə təkrar imtahanlar üçün qeydiyyat 28-30 iyul tarixlərində həyata keçirilib və imtahanlarda yenidən iştirak üçün 4091 nəfər müraciət edib.

Xəbər lenti