Monqolustan Prezidenti Xaltmaaqiyn Battulqa koronavirus şübhəsi ilə karantinə yerləşdirilib.

Sabah.az Rusiya mətbuatına istinadən xəbər verir ki, dövlət başçısı Çin səfərindən qayıtdıqdan sonra xəstəxanaya aparılıb.

Mənbədə bildirilir ki, Prezidenti Xaltmaaqiyn Battulqa, xarici işlər naziri və onu müşayiət edən digər şəxslər fevralın 27-nə keçən gecə ölkəyə uçublar. X. Battulqa və xarici işlər naziri 14 gün karantində olacaq.

Monqolustan nümayəndə heyəti Çindəki koronavirusdan zərər çəkmiş bölgələrin sakinlərinə humanitar yardım etmək üçün bu ölkəyə səfər etmişdilər.