Dağlıq Qarabağda yerləşdirilən Rusiya sülhməramlılarının xərcləri Rusiya hökuməti tərəfindən qarşılanacaq.

Sabah.az xəbər verir ki, bu barədə Dağlıq Qarabağda sülhün dəstəklənməsi ilə bağlı tədbirlər haqqında Rusiya prezidenti Vladimir Putinin imzaladığı fərmanda bildirilib.

Fərmanda qeyd olunur ki, hərbi qulluqçuların maddi dəstəyinin təmin edilməsi və ailə üzvləri də daxil olmaqla əlavə zəmanət və təzminatların verilməsi daxil olmaqla, nağd pul müavinətlərinin ödənilməsini təmin etməklə, sülhməramlı qüvvələrinin fəaliyyətlərinin həyata keçirilməsi ilə bağlı xərclər Rusiya hökuməti tərəfindən təmin olunur.

Qeyd edək ki, Rusiya Prezidenti ildə iki dəfədən az olmayaraq Dağlıq Qarabağdakı sülhməramlıların rotasiyasının keçirilməsi ilə bağlı Müdafiə Nazirliyinə tapşırıq verib.