Yaponiya “6G” hazırlanması üçün 653 milyon dollar ayıracaq

MARAQLI
01:51
30 İyun 2020
79

Yaponiya höküməti 2030-cu ildə tətbiqi planlaşdırılan altıncı nəsil mobil rabitə sistemlərinin hazırlanması ilə məşğul olan şirkətlərə 70 milyard yen (təxminən 653 milyon dollar) ayırmağı planlaşdırır.

Sabah.az "ICTnews"a istinadən xəbər verir ki, bir müddət əvvəl Yaponiya Nazirlər Kabineti yanında yeni formatın tətbiqi üçün kompleks strategiyanın hazırlanması məqsədilə texniki mütəxəssislərdən, özəl biznes və müvafiq idarələrin nümayəndələrindən ibarət Ekspert Şurası yaradılıb. Hazırda ölkədə beşinci nəsil mobil rabitə şəbəkələrinə (5G) keçid həyata keçirilir. Bu istiqamətdə ölkə "5G" şəbəkəsinin daha tez istifadəsinə başlandığı ABŞ və Koreya Respublikasından geridə qalır. Bundan başqa, Yaponiya hökuməti müvafiq avadanlığın hazırlanmasında Çindən geridə qalmağa görə narahatlıq keçirir.

Hazırda isə ölkə hökuməti bizneslə əməkdaşlıqda bu boşluğu aradan qaldırmaq və daha sürətli və daha etibarlı altıncı nəsil sistemlərə keçiddə liderliyi ələ almaq niyyətindədir. "6G" texnologiyasından, məsələn, sürücüsüz nəqliyyat vasitələrində, distansiyadan tibbi xidmətdə geniş istifadə nəzərdə tutulur.

Xəbər lenti

17:58 13 İyul 2020
13:30 11 İyul 2020
10:03 11 İyul 2020
18:53 10 İyul 2020