Süni beyin hazırlandı

MARAQLI
01:27
12 İyun 2020
52

ABŞ-ın Massaçusets Texnologiya İnstitutunun mühəndisləri memristorlar adlandırılan on minlərlə süni sinapsdan (sinir hüceyrələrinin digər hüceyrələrə məlumat ötürməsinə imkan verən əlaqə nöqtələri) ibarət süni beyin hazırlayıblar.

Sabah.az lenta.ru-ya istinadən xəbər verir ki, bu haqda “Nature Nanotechnology” jurnalında dərc edilmiş məqalədə məlumat verilir.

Bildirilib ki, memristorlar silisium, həmçinin gümüş və mis ərintisindən hazırlanıb. Hazırlanmış çip vizual informasiyanı yadda saxlamağa və onu karbonlu komponentlərdən istehsal edilmiş mövcud memristor konstruksiyaları ilə müqayisədə, daha dəqiq canlandırmaq qabiliyyətinə malikdir.

Bu, informasiyanı insan beyni kimi emal edən elektronikanın bir növünü təşkil edən neyromorfik qurğuların işini yaxşılaşdırmağa imkan verəcək. Belə sxemlər yığcam qurğulara inteqrasiya edilə və hələlik yalnız superkompüterlər üçün həlli mümkün olan mürəkkəb tapşırıqları yerinə yetirə bilərlər.

Xəbər lenti

13:15 8 Avqust 2020
13:48 7 Avqust 2020
09:37 7 Avqust 2020