Prezident İlham Əliyevin bu gün imzaladığı sərəncamla Zaur Mikayılov “Meliorasiya və Su Təsərrüfatı” ASC-yə yeni sədr təyin edilib.

Sabah.az xəbər verir ki, Z.Mikayılov 1992-1998-ci illərdə Türkiyədə Boğaziçi Universitetinin Biznesin İdarəedilməsi fakültəsini bitirib.

2001-2009-cu illərdə “Bakcell” şirkətində maliyyə şöbəsinin direktoru, 2009-2015-ci illərdə “Port Baku Towers”in baş direktoru, 2015-2016-cı illərdə “Pasha Construction” şirkətində şöbə müdiri, 2016-2018-ci illərdə "Agro Dairy" MMC-də icraçı direktor işləyib.

Zaur Mikayılovun son vəzifəsi 2018-ci ildən “Bravo Supermarket”in icraçı direktoru olub. 2021-ci il yanvar ayında bu işindən ayrılıb.