Hər il iyunun 23-ü Azərbaycanda Dövlət Qulluqçularının Peşə Bayramı kimi qeyd edilir. Bu münasibətlə dövlət qulluğunda səmərəli fəaliyyətinə görə bir qrup dövlət qulluqçusu Azərbaycan Prezidentinin 2021-ci il 23 iyun tarixli Sərəncamı ilə təltif edilib.

Sabah.az xəbər verir ki, təltif edilənlər sırasında Mədəniyyət Nazirliyinin əməkdaşları da var.

Mədəniyyət Nazirliyinin Regional siyasət şöbəsinin müdiri Məmmədov Vüqar Rasim oğlu, Xalq yaradıcılığı və mədəni marşrutların inkişafı şöbəsinin müdiri Cəfərov Aslan Qulu oğlu dövlət başçısının imzaladığı müvafiq sərəncama əsasən, “Dövlət qulluğunda fərqlənməyə görə” medalları ilə təltif olunublar.