Bakı Metropolitenində qatarların hərəkətində gecikmələr yaranıb.

Sabah.az xəbər verir ki, bu barədə Metropolitenin mətbuat xidmətinin rəhbəri Bəxtiyar Məmmədov bildirib.

O qeyd edib ki, “N. Nərimanov”- “Ulduz” yol mənzilində qatarların hərəkətini tənzimləyən işıqforun işini  təmin edən sxemdə baş vermiş nasazlığa görə hazırda  Metropoliten xətlərində qatarların hərəkətində gecikmələr müşahidə olunur:

"Bəzi qatarlar arasında intervaldan əlavə olaraq 2-3 dəqiqə gecikmə müşahidə olunur”.

B. Məmmədov həmçinin bildirib ki, bəzi qatarlar isə qrafik üzrə interval göstəricisinə uyğun hərəkət edir.