ÜST-ün Azərbaycandakı nümayəndəliyi Rusiya peyvəndi ilə bağlı açıqlama yaydı

ÖLKƏ
16:00
12 Avqust 2020
178

“Ümumdünya Səhiyyə Təşkilatı COVID-19-a qarşı peyvəndin Rusiya Federasiyasının yerli dərman vasitələrinin reyestrində qeydiyyatdan keçməsi haqda məlumatlıdır”.

Sabah.az xəbər verir ki, bu barədə ÜST-ün Azərbaycandakı nümayəndəliyindən verilən məlumatda deyilir.

Bildirilir ki, təşkilat Rusiyadakı tədqiqatçılar və səlahiyyətli şəxslərlə təmasdadır və aparılan sınaqların təfərrüatını nəzərdən keçirməyə hazırlaşır.

“Bu, COVID-19-a qarşı ilk qeydiyyatdan keçmiş peyvənddir, digər ölkələr namizəd peyvəndlər üzərində kliniki sınaqlar aparmağa davam edirlər.

Ümumdünya Səhiyyə Təşkilatı COVID-19-a qarşı peyvəndin tədqiqatına və inkişafına dair bütün irəliləyişləri alqışlayır. Təşkilat 2020-ci ilin yanvar ayından etibarən qlobal səviyyədə aparılan elmi-tədqiqat işlərinə rəhbərlikdə və prosesi sürətləndirmədə aktiv iştirak edir.

Peyvənd tədqiqatını sürətləndirərkən, istehsala gedəcək peyvəndin təhlükəsiz və səmərəli olması üçün müəyyən olunmuş prosedurlar və inkişaf mərhələsindəki bütün addımlar həyata keçirilməlidir. ÜST dünyada bu peyvəndlərə sürətli, ədalətli və bərabər əlçatanlığın təminatını təşviq edir”.

Xəbər lenti

15:33 24 Sentyabr 2020
13:20 24 Sentyabr 2020
12:51 24 Sentyabr 2020
09:50 24 Sentyabr 2020
09:25 24 Sentyabr 2020
17:14 23 Sentyabr 2020
15:20 23 Sentyabr 2020
14:10 23 Sentyabr 2020
09:28 23 Sentyabr 2020
17:00 22 Sentyabr 2020