Koronavirus xəstəsi yenidən icazəsiz küçəyə çıxdı - Video

GÜNDƏM
14:40
12 Avqust 2020
148

Polis Balakəndə yaşadığı ünvanı tərk edən koronavirus xəstəsini müəyyən edib.

Sabah.az DİN-ə istinadən xəbər verir ki, rayonun Qazma kənd sakini Taleh Məmmədovun koronavirus testinin nəticəsi pozitiv olduğuna görə, ona ev şəraitində müalicə təyin edilib, ancaq o, qaydaları pozaraq yaşayış yerini tərk edib. Onun rayon ərazisində olduğu yer müəyyən edilib. T.Məmmədovun mağazaya və başqa bir neçə yerə getdiyi məlum olub. Polis əməkdaşları və həkimlərin müşayiəti ilə o, Təcili Tibbi Yardım avtomobilinə əyləşdirilərək, koronavirus xəstələrinin müalicə aldığı Balakən Rayon Mərkəzi Xəstənasına yerləşdirilib.

Qeyd edək ki, bir neçə gün əvvəl də T.Məmmədov yaşayış yerini tərk etdiyinə görə, onunla profilaktik söhbətlər aparılıb. Bu hərəkətinin digər şəxslərin həyat və sağlamlığı üçün təhlükəli olduğu diqqətinə çatdırılaraq ciddi xəbərdarlıq edilib. Ancaq o, bundan nəticə çıxarmayaraq yenidən qaydaları pozub.

Hazırda məsələ ilə əlaqədar müvafiq qərar qəbul edilməsi üçün  Balakən Rayon Polis Şöbəsində araşdırma aparılır.

Xəbər lenti

15:33 24 Sentyabr 2020
13:20 24 Sentyabr 2020
12:51 24 Sentyabr 2020
09:50 24 Sentyabr 2020
09:25 24 Sentyabr 2020
17:14 23 Sentyabr 2020
15:20 23 Sentyabr 2020
14:10 23 Sentyabr 2020
09:28 23 Sentyabr 2020
17:00 22 Sentyabr 2020