“Doğuş zamanı əkizlərimdən biri oğurlanıb”

GÜNDƏM
17:57
7 Avqust 2020
246

Bakıda qadın doğuş zamanı əkiz uşaqlarının birinin həkim tərəfindən oğurlandığını iddia edib.

Sabah.az “Qafqazinfo”ya istinadən xəbər verir ki, Namazova Aytən Oqtay qızı bildirib ki, iyulun 31-də Sabunçu rayonu 3 saylı xəstəxanaya doğuş üçün müraciət edib:

“Mən hamiləlik dövründə də UZİ-dən keçmişəm və 6 həftəlik olanda əkiz hamiləlik olduğunu demişdilər. UZİ həkimin elə həmin xəstəxanada Şərqiyyə İbrahimova olub. Doğuşdan öncə uşağın ürək döyüntülərini yoxlamaq üçün mənə aparat qoşdular və əkiz uşaqların olduğunu dedilər. Sancım güclənəndə məni doğuşa götürdülər.

Doğuşdan öncə işçilər bir neçə dəfə məndən evdə uşağım olub-olmadığını soruşurdular. Mən də oğlum olduğunu dedim, bu da məndə şübhə yaratdı. Doğuş zamanı mən uşağın olduğunu hiss etdim, amma mənə oksigen maskası taxdılar, özümdən getdim. Sonra ayılanda dedilər ki, bir qızın oldu. Mən əkiz uşaqlardan birinin satıldığından şübhələnirəm. Polisə də müraciət etmişəm, izahatım alınıb”.

TƏBİB-in mətbuat katibi Rəvanə Əliyeva açıqlamasında bildirib ki, TƏBİB-ə bu haqda şikayət daxil olmayıb: “Bununla bağlı yəqin ki, hüquq-mühafizə orqanlarında araşdırma aparılır”.

Bakı şəhər Baş Polis İdarəsinin mətbuat katibi, polis mayoru Elşad Hacıyev bildirib ki, faktla bağlı toplanmış materiallar rayon prokurorluğuna göndəriləcək.

Xəbər lenti

19:05 30 Sentyabr 2020
16:53 30 Sentyabr 2020
12:59 30 Sentyabr 2020