Yaxın günlərdə 190 manatın verilməsinə başlanılacaq - Video

GÜNDƏM
11:15
7 Avqust 2020
209

Hazırda Əmək və Əhalinin Sosial Müdafiəsi naziri Sahil Babayev avqust ayında sərtləşdirilmiş karantin rejimi tətbiq edilən inzibati ərazilərdə 190 manatlıq birdəfəlik ödəmələrin verilməsi ilə bağlı brifinq keçirib.

Sabah.az xəbər verir ki, nazir Sahil Babayev bildirib ki, sərtləşdirilmiş xüsusi karantin rejiminin tətbiq olunduğu 13 şəhər və rayon üzrə 190 manat birdəfəlik ödəmələrin verilməsi barədə Prezident İlham Əliyevin tapşırığı qısa müddətdə icra olunacaq və yaxın günlərdə bu ödənişlərin verilməsi təmin ediləcək.

O qeyd edib ki, Bakı, Cəlilabad, Gəncə, Masallı, Mingəçevir, Sumqayıt, Yevlax şəhərləri və Abşeron, Bərdə, Goranboy, Göygöl, Xaçmaz, Salyan rayonları üzrə işsiz və xüsusi karantin rejimində işini itirən qeyri-formal işləyən aztəminatlı şəxslərdən ibarət 278 min nəfəri əhatə edəcək bu ödəmələr üçün 53 milyon manat sərf ediləcək.

Bununla da COVID-19 dövründə yalnız bir dəstək istiqaməti – birdəfəlik ödəmə proqramı üzrə yönəldilmiş vəsaitin ümumi həcmi 333 milyon manata çatacaq.

Xəbər lenti

19:05 30 Sentyabr 2020
16:53 30 Sentyabr 2020
12:59 30 Sentyabr 2020