25 yaşlı şəxs xalası oğlunu bıçaqlayaraq öldürdü

XƏBƏR
11:40
1 Avqust 2020
200

Şabran rayonunda 25 yaşlı oğlan xalası oğlunu bıçaqlayaraq onun ölümünə səbəb olub.

Sabah.az xəbər verir ki, Şabran rayon prokurorluğundan verilən məlumata görə, avqustun 1-də saat 05 radələrində, Şabran rayonu, Günəşli kənd sakini Əmirov Ələkbər Məzahir oğlunun bıçaqlanaraq öldürülməsi barədə məlumat daxil olub.

Prokurorluq əməkdaşları tərəfindən hadisə yerinə baxış keçirilib və digər zəruri prosessual hərəkətlər yerinə yetirilib.

Faktla bağlı Şabran rayon prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb. İlkin istintaqla hadisənin zərəçəkmiş şəxsin xalası oğlu 1995-ci il təvəllüdlü Taleh Atamoğlanov tərəfindən şəxsi münasibətlər zəminində aralarında yaranmış mübahisə zamanı törədilməsinə əsaslı şübhələr müəyyən edilib.

Taleh Atamoğlanov şübhəli şəxs qismində tutularaq istintaqa cəlb olunub. Hazırda cinayət işi üzrə istintaq tədbirləri davam etdirilir.

Xəbər lenti

13:40 1 Dekabr 2020
17:29 30 Noyabr 2020
14:07 30 Noyabr 2020