İyulun 13-dən 14-ə keçən gecə Azərbaycan-Ermənistan dövlət sərhədinin Tovuz rayonu ərazisində gedən şiddətli döyüşlər nəticəsində şəhid olan Azərbaycan Ordusunun mayoru Novruzov Anar Gülverdi oğlunun nəşi doğulduğu Masallı rayonu, Ərkivan qəsəbəsinə gətirilib.

Sabah.az APA-ya istinadən xəbər verir ki, şəhid mayorun vida mərasiminə rayon icra aparatının əməkdaşları, millət vəkilləri, hərbçilər və ictimaiyyət nümayəndələri qatılıb.

***

Şəhid mayor Anar Novruzov Masallı rayonu Ərkivan qəsəbəsinin qəbiristanlığında dəfn edilib.

Şəhidin tabutuna bükülmüş Azərbaycan Bayrağı övladına təhvil verilib.

Qeyd edək ki, A.Novruzov 25 il hərb sahəsində xidmət edib.