Daha 250 nəfər Dağıstandan Azərbaycana gətirilib

ÖLKƏ
19:10
30 İyun 2020
96

Bu gün daha 250 nəfər Azərbaycan vətəndaşı Dağıstandan quru sərhədini keçərək ölkəyə gətirilib.

Sabah.az xəbər verir ki, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev deyib.

“İstanbuldan belə reyslər təşkil olunur. Həmin şəxslər iki həftə evdən çıxmamaq barədə iltizam verir, onlara evdən çölə çıxmaq üçün SMS icazə verilmir. Dağıstandan gələnlər üçün də belə qayda var. Bu gün daha 250 nəfər Dağıstandan quru sərhədini keçib. Onlar xüsusi ayrılmış avtobuslar vasitəsilə sərhədi keçiblər. Rusiyadan gətirilənlər Fövqəladə Hallar Nazirliyi tərəfindən Rusiya Federasiyası ilə sərhəddə - Qusar rayonunun ərazisində yerləşən "Samur" sərhəd-keçid məntəqəsinin yaxınlığında yaradılmış qəbul-çeşidləmə məntəqəsinə yerləşdirilib. Onlar ilk olaraq müvafiq tibbi yoxlamadan keçirilib”, - deyə H.Hacıyev bildirib.

O qeyd edib ki, digər ölkələrdən də çarter reyslərinin həyata keçirilməsi planlaşdırılır.

Xəbər lenti