Bakı şəhərində Naxçıvan Muxtar Respublikasının daimi nümayəndəliyində 23, 25, 30 iyun və 2, 7 iyul tarixlərində Naxçıvana uçuş üçün siyahıya yazılan şəxslər (7 iyul tarixinə yazıların bir qismi növbəlilik əsasında istisna olmaqla) 20 iyun 2020-ci il tarixində Naxçıvana uçuş üçün hazır olmalıdırlar.

Sabah.az xəbər verir ki, bu barədə Naxçıvan Muxtar Respublikasının Bakı şəhərindəki daimi nümayəndəliyindən məlumat verilib.

“Bunun üçün bu şəxslər təqdim etdikləri “Whatsapp” nömrələrini AZAL-dan daxil olacaq linkləri qəbul etmək və bilet almaq üçün gün ərzində diqqətdə saxlamalı və bilet alandan sonra sabah gecikmədən TƏBİB-in müəyyən etdiyi yerdə testdən keçməlidirlər”, - deyə daimi nümayəndəliyin rəhbəri Bəxtiyar Əsgərov qeyd edib.