Xəbər verdiyimiz kimi, gecə saatlarında Bakıda 15 yaşlı oğlan qəfil dünyasını dəyişib.

Sabah.az xəbər verir ki, TƏBİB-in mətbuat xidmətinin rəhbəri Rəvanə Əliyeva "Qafqazinfo"ya bildirib ki, Təcili Tibbi Yardıma çağırış dünən axşam saatlarında gəlib: 

“Evdə uşağa təcili yardım gəlmədən antibiotik vurulub. Bu zaman uşaq anafilaktik şok keçirib. Yeniyetmənin 15 yaşı var”.

Qeyd edək ki, vəfat edən yeniyetmə “Bank Respublika”nın sahibi Natiq Quliyevin oğludur. N. Quliyev 2016-2017-ci illərdə Bank Respublikanın Müşahidə Şurasının sədri olub. 2017-ci ildən bankın Müşahidə Şurasının üzvü və əsas səhmdarıdır.