Böyükşor şossesində yol-nəqliyyat hadisəsi baş verib.

Sabah.az xəbər verir ki, məlumatı Bakı Nəqliyyat Agentliyinin mətbuat katibi Mais Ağayev yayıb.

Qeyd edib ki, “Koroğlu” metrostansiyası istiqamətində, Olimpiya Stadionunun qarşısında qeydə alınan qəza səbəbindən ərazidə sıxlıq müşahidə olunur.

***

Bakının Böyükşor şossesində, Koroğlu metrostansiyası yaxınlığında baş vermiş qəzanın təfərrüatları məlum olub.

APA-nın məlumatına görə, “Hyundai” markalı, 99-UM-411 dövlət qeydiyyat nişanlı avtomobil idarəetməni itirərək divara çırpılıb.

Nəticədə iki nəfər ağır xəsarətlər alıb. Onların hər ikisi Təcili Tibbi Yardım vasitəsilə 3 saylı Klinik Tibbi Mərkəzə aparılıb.

Hadisə yerində hüquq-mühafizə orqanının əməkdaşları cəlb olunub.