Bakı şəhərində Naxçıvan Muxtar Respublikasının daimi nümayəndəliyinin rəhbəri Bəxtiyar Əsgərov nümayəndəliyə olan çoxsaylı müraciətlərlə bağlı Azərbaycan Respublikası Nazirlər Kabineti yanında Operativ Qərargaha Naxçıvan-Bakı-Naxçıvan istiqamətində təyyarə reyslərinin açılması ilə əlaqədar olaraq məktubla müraciət edib.

Sabah.az xəbər verir ki, bu barədə daimi nümayəndəlikdən məlumat verilib.

Qeyd edək ki, bu il aprelin 5-də COVID-19 infeksiyasının yayılmasının qarşısının alınması məqsədilə Naxçıvan-Bakı-Naxçıvan istiqamətində təyyarə reysləri dayandırılıb.