Bu gün Azərbaycanda Ramazan bayramıdır.

Sabah.az xəbər verir, ölkədə Ramazan ayı aprelin 25-də başlayıb. Fitr bayramı isə mayın 24-nə təsadüf edir.

Azərbaycanda Ramazan bayramı iki gün – mayın 24-ü və 25-də qeyd edilir və həmin günlər rəsmi olaraq qeyri-iş günləri hesab olunur.

Qafqaz Müsəlmanları İdarəsindən (QMİ) verilən məlumata görə, bu il ölkəmizdə karantin rejiminin müddətinə dair Azərbaycan hökumətinin verdiyi qərara əsasən bayram namazı məscidlərdə qılınmayacaq.

Qeyd edək ki, Azərbaycanda mayın 24-25-i Ramazan bayramı, mayın 28-i isə Respublika Günüdür. Ayın 24-ü həftənin bazar gününə təsadüf edir. Bu səbəbdən həm beşgünlük, həm də altıgünlük iş həftəsində çalışanlar üçün mayın 26-sı da qeyri-iş günü hesab olunur. Baş Nazir Əli Əsədovun müvafiq qərarı ilə ölkədə 2020-ci ilin 27 may iş günü ilə 31 may istirahət gününün yerləri dəyişdirilib. Bununla da Azərbaycanda 8 gün ardıcıl qeyri-iş günüdür.