Bu gün Prezident İlham Əliyev Seymur Orucovu Ağstafa Rayon İcra Hakimiyyətinə başçı təyin edib.

Sabah.az xəbər verir ki, 1984-cü il təvəllüdlü S.Orucov Naxçıvan Muxtar Respublikasında anadan olub.

2001-ci ildə Azərbaycan Dövlət İqtisad Universitetinin Maliyyə-kredit fakültəsinə daxil olub, daha sonra elə həmin universitetdə magistratura oxuyub.

2009-2011-ci illərdə İqtisad Universitetinin Tərbiyə işləri üzrə prorektoru vəzifəsində çalışıb.

O, 2010-cu ildə Prezidentin sərəncamı ilə “Tərəqqi” medalı ilə təltif edilib.

2011-ci ildə isə Yeni Azərbaycan Partiyasının Gənclər Birliyinin sədri seçilib.

Qeyd edək ki, S.Orucov Həmkarlar İttifaqları Konfederasiyasının sədri Səttar Möhbalıyevin bacısı oğlu, sabiq deputat və rektor Şəmsəddin Hacıyevin isə kürəkənidir.