İctimai Televiziyanın efirində koronavirus infeksiyasının qarşısının alınması məqsədilə ölkədə tətbiq edilən karantin qaydaları pozulub.

Sabah.az xəbər verir ki, telekanalda yayımlanan Dadaş Dadaşlinskinin "3D" verilişinin qonağı Əməkdar incəsənət xadimi Baba Vəziroğlu olub. 66 yaşlı şairin proqramda iştirak etməsi karantin qaydalarının pozulması deməkdir.

Qeyd edək ki, 65 yaşdan yuxarı şəxslər COVID-19 virusuna yoluxmada risk qrupuna daxil olduğu üçün onların evdən çıxmasına icazə verilmir. Nazirlər Kabineti yanında Operativ Qərargah bu qadağanın mayın 18-dən etibarən aradan qaldırılacağını açıqlayıb.