Milli Şuranın Koordinasiya Mərkəzində daha bir ayrılıq yaşanıb.

Sabah.az xəbər verir ki, bu dəfə şuranın üzvü Rafiq Manaflı istefa verib.

"Bu son bir neçə gündə baş verənlər bizdən də təsirsiz ötüşmədi. Çox uzatmadan və böyük təəssüf hissiylə Milli Şura ilə yolumuzun ayrıldığını bəyan etmək məcburiyyətindəyəm", - deyə o, şəxsi “Facebook” hesabından bildirib.

Xatırladaq ki, ötən gün Milli Şuranın digər üzvü Eldəniz Quliyev də üzvlükdən istefa vermişdi.

Qeyd edək ki, Rafiq Manaflı bir neçə gün öncə Milli Şuranın videotoplantısında qeyri-etik ifadə işlətməklə gündəmə gəlmiş, buna görə etirazla qarşılaşmışdı. Onu da əlavə edək ki, R.Manaflı  Vətəndaş Həmrəyliyi Partiyasının Ali Məclis sədridir.