“Azərbaycan sərhədlərinin açılması bilavasitə ölkədəki və regiondakı infeksiyanın durumu ilə bağlıdır”.

Sabah.az “Qafqazinfo”ya istinadən xəbər verir ki, bunu Xarici İşlər Nazirliyinin mətbuat katibi Leyla Abdullayeva deyib.

O bildirib ki, sərhədi açılacaq ilk ölkənin hansı olacağını indidən demək düzgün olmaz: “Amma bu çox güman ki, qonşu ölkələr olacaq”.

L.Abdullayeva əlavə edib ki, xaricdə yaşayan və koronavirusa yoluxmuş vətəndaşlarımız var: “Onlardan ölənləri də olub. Həmin vətəndaşın nəşinin ölkəyə gətirilməsi təmin olunur”.