PSJ Fransa çempionatında 2019/2020 mövsümünün qalibi elan olunub.

Sabah.az xəbər verir ki, bu barədə Liqa 1-in rəsmi saytı məlumat yayıb.

Mövsümü 2-ci sırada başa vuran "Marsel" PSJ ilə birlikdə UEFA Çempionlar Liqasının (ÇL) qrup mərhələsində mübarizə aparacaq. 3-cü sıradakı "Renn" (tarixində ilk dəfə) ÇL-in pley-off mərhələsində çıxış edəcək. "Lill", "Reyms" və "Nitsa" isə Avropa Liqasında oynayacaq.

Turnir cədvəlinin son 2 pilləsində qərarlaşan "Amyen" və "Tuluza" Liqa 2-yə düşüb. Əvəzində isə aşağı dəstənin çempionu "Loryan" və 2-ci sırada qərarlaşmış "Lans" elitaya yüksəlib.

Qeyd edək ki, koronavirus pandemiyasına görə 28-ci turda dayandırılan Fransa Liqa 1-də PSJ 68 xalla lider idi.