İmişli rayonunda qohumunun evindən oğurluq edən şəxs saxlanılıb.

Sabah.az DİN-ə istinadən xəbər verir ki, rayonun Aranlı kənd sakini Ə.Xudiyevin evindən qızıl zinət əşyası və pulları oğurlanıb.

Oğurluq əməlini törətməkdə şübhəli bilinən İmişli rayon sakini Ə.Tağıyev saxlanılıb. Araşdırmalarla onun zərərçəkmişə məxsus evdən 2700 manat pul və 700 manat dəyərində 1 ədəd qızıl üzük oğurladığı müəyyən edilib.

Oğurlanmış pulların bir qismi və üzük maddi sübut kimi götürülüb. Dindirilmə  zamanı o, törətdiyi cinayət əməlini etiraf edib.