Oksford Universiteti könüllülər üzərində yeni koronavirus (COVID-19) əleyhinə vaksinin sınaqlarına başlayıb.

Sabah.az BBC-yə istinadən xəbər verir ki, ilkin mərhələdə ChAdOx1 nCoV-19 adlı vaksinin sınaqları iki könüllü üzərində aparılıb.

Tədqiqata rəhbərlik edən professor Sara Gilbert bu vaksinə böyük ümid bəslədiklərini bildirib:

"Bu vaksini daha geniş kütlədə istifadə etmək üçün öncə test etməli və xəstə insanlarda koronavirusa qarşı təsirli olduğunu müşahidə etməliyik".

Qeyd edək ki, ChAdOx1 nCoV-19 adlı vaksin şimpanzedəki virus əsasında yaradılıb və tərkibinə koronavirusun genetik kodunun hissəsi əlavə edilib. Bu texnologiyadan əvvəllər də digər xəstəliklərə qarşı immunitetin yaranmasında istifadə edilib və effektli nəticələr əldə olunub.