Xüsusi karantin rejiminin müddətinin uzadılması ilə əlaqədar Azərbaycanın İran və Gürcüstanla sərhədinin mayın 4-dək bağlı saxlanılmasına qərar verilib.

Sabah.az xəbər verir ki, bu barədə Nazirlər Kabineti yanında Operativ Qərargahdan məlumat verilib.

Nazirlər Kabinetinin 2020-ci il 18 aprel tarixli Qərarına əsasən, “Sanitariya-epidemioloji salamatlıq haqqında” Azərbaycan Respublikası Qanununun 25-ci maddəsinə uyğun olaraq, ölkə ərazisində tətbiq edilən xüsusi karantin rejimi 2020-ci il 4 may saat 00.00-dək uzadılıb.

Bununla əlaqədar Azərbaycan Respublikasının İran İslam Respublikası və Gürcüstan Respublikası ilə dövlət sərhədinin müvəqqəti bağlı saxlanılması barədə qərarın müddəti 2020-ci il 4 may saat 00.00-dək uzadılıb.