Xarici ölkələrdən Vətənə qayıtmaq istəyən Azərbaycan vətəndaşlarının qeydiyyatdan keçməsi üçün yaradılan www.evegedirem.info portalı fəaliyyətə başlayıb.

Sabah.az xəbər verir ki, artıq saat 11-də qeydiyyat üçün müraciətlərin qəbuluna start verilib. 

İlkin mərhələdə Azərbaycanın Rusiyada yaşayan vətəndaşları qeydiyyatdan keçmək imkanı əldə edib. Qeydiyyat beş gün davam edəcək, sonra müvəqqəti olaraq saxlanılacaq. Bu vaxt ərzində qeydiyyatdan keçənlərin təhlili aparılacaq, onların təxliyə planı hazırlanacaq.

Bundan sonra qeydiyyat təkrar açılacaq.