Bakıda yeniyetmə qıza qarşı məktəbli tərəfindən zorakılıq edilməsi faktı ilə bağlı cinayət işi başlanıb.

Sabah.az xəbər verir ki, bu barədə Daxili İşlər Nazirliyinin (DİN) mətbuat xidmətindən məlumat verilib.

Bildirilib ki, əməldə xuliqanlıq cinayətinin (CM-nin 221-ci maddəsi)  tərkib əlamətləri olduğu müəyyən edilib. Hazırda istintaq hərəkətləri davam etdirilir.

Qeyd edək ki, qeyri-etik hərəkətləri əks etdirən görüntülər sosial şəbəkələrdə yayılıb. Görüntülərdə yeniyetmə qızın başına yumurta çırpılır, saçı kəsilir və digər bullinq hərəkətləri edilir. Bunu edənlər Şüvəlanda yerləşən 156 saylı məktəbin şagirdləridir.