Mərkəzi Seçki Komissiyası (MSK) Zahid Orucla Razi Nurullayevin prezidentliyə namizədliyini qeydə alıb.

Sabah.az “Qafqazinfo”ya istinadən xəbər verir ki, bu barədə qərar MSK-nın bu gün keçirilən iclasında qəbul edilib.

Bununla da prezidentliyə namizədliyi qeydə alınanların sayı 3-ə çatıb.

Bundan əvvəl MSK-nın 2023-cü il dekabrın 30-da keçirilən iclasında İlham Əliyevin prezidentliyə namizədliyi qeydə alınıb.

Xatırladaq ki, 17 nəfərin prezidentliyə namizədliyi təsdiqlənib.

Qeyd edək ki, 2024-cü il fevralın 7-də Azərbaycanda növbədənkənar Prezident seçkiləri keçiriləcək.