Şəmkirdə kişi yaşadığı evi yandırıb.

Sabah.az "Qafqazinfo"ya istinadən xəbər verir ki, hadisə rayonun Seyfəli kəndində baş verib.

Məlumata görə, kənd sakini, 1961-ci il təvəllüdlü Yaqubov Vəli Əkbər oğluna məxsus, 200 kvadratmetr sahəsi olan 5 otaqlı evdə baş verən yanğın zamanı  ev sahibinin həyat yoldaşı, 1966-ci il təvəllüdlü Yaqubova Nuşabə, oğlu, 1988-ci il təvəllüdlü Vəliyev Əkbər, gəlini, 1988-ci il təvəllüdlü Vəliyeva Nərgiz və nəvəsi 4 yaşlı Banu yanıq xəsarətləri alaraq Gəncə şəhər Təcili Tibbi Yardım xəstəxanası aparılıblar. V.Əkbər, V. Nərgiz və azyaşlı övladlarının vəziyyəti ağır olduğundan reanimasiyaya yerləşdiriliblər.

Hadisə yerinə FHN-nin Şəmkir Yanğından Mühafizə hissəsinin iki avtomobili və canlı qüvvəsi cəlb olunub. Alov tez bir zamanda söndürülüb.

İlkin məlumata görə, evi sahibi V. Yaqubov qəsdən yandırıb.

Faktla bağlı araşdırma aparılır.