Kontakt Home Azərbaycanda ilk dəfə olaraq mağazalardan onlayn video-konsultasiya xidmətini istifadəyə verib. Respublikada tətbiq olunan xüsusi karantin rejimi ilə əlaqədar olaraq, ticarət obyektlərində yerində xidmətin ləğv olunmasından sonra müştəri məmnuniyyətini təmin etmək və onlara operativ xidmət göstərmək üçün şəbəkə belə bir xidməti təqdim etmək qərarına gəlib.

Onlayn video-konsultasiya xidməti belə işləyir:

Müştəri adını, soyadını, aktiv nömrəsini, maraqlandığı məhsul və ya kateqoriyanı Kontakt Home-un sosial şəbəkə hesablarına yazaraq və ya *6060 Çağrı Mərkəzinə zəng edərək bildirir. Çox qısa zaman ərzində satış təmsilçiləri elə mağazadan WhatsApp vasitəsilə müştəriyə videozəng edərək müştərinin maraqlandığı məhsulların detallarını ona göstərir, xarakteristikasını və istifadə qaydasını izah edir, müştərinin suallarını cavablandırır. Daha sonra müştəri bəyəndiyi məhsulu sifariş edə bilər. Sifariş gün ərzində, pulsuz və tam təhlükəsiz onun ünvanına çatdırılacaq. Videozəng zamanı müştərilər, rahatlıqları üçün öz görüntülərini bağlaya bilər.

Qeyd edək ki, müştərilər sevdikləri məhsulları həm də 7/24 fəaliyyət göstərən www.kontakt.az saytından 1 kliklə sifariş verə bilərlər. Sifariş GÜN ƏRZİNDƏ, PULSUZ və TƏHLÜKƏSİZ qaydada istənilən ünvana çatdırılacaq. Çatdırılma Bakı, Sumqayıt, Xırdalar, Abşeron, Gəncə, Masallı və Qəbələ şəhərləri daxilində həyata keçirilir. Məhsulları istər nağd, istər taksit, istərsə də 24 ayadək faizsiz şərtlərlə sifariş etmək mümkündür.