Sosial şəbəkələrdə AXCP üzvü Ziyafət Abbasovanın itkin düşməsi ilə bağlı məlumatlar yayılıb.

Sabah.az xəbər verir ki, Z.Abbasovanın dünən Cəmil Həsənlinin kitab təqdimatında iştirak etmək üçün evdən çıxdığı və daha sonra ondan xəbər alınmadığı bildirilib. Z.Abbasovanın saxlanıldığı ilə bağlı iddialar da səsləndirilib.

DİN-in mətbuat xidmətinin əməkdaşı Nurlan Əliyev bildirib ki, Ziyafət Abbasovanın saxlanılması ilə bağlı yayılan iddialar əsassızdır:

“Vətəndaş Ziyafət Abbasova yaşadığı sığınacaqdan bir neçə vətəndaşın şikayəti və sağlamlıq vəziyyəti ilə əlaqədar ruhi-əsəb dispanserinə yerləşdirilib. Hazırda onun müalicəsi davam etdirilir”.