Ölkə ərazisində tətbiq edilmiş karantin rejimi ilə əlaqədar Bakı, Sumqayıt şəhərləri və Abşeron rayonunun inzibati ərazilərindəki nəzarət keçid postlarında martın 31-i  saat 08:00-dan aprelin 1-i saat 08:00-dək olan müddət ərzində polis əməkdaşları tərəfindən yoxlamalar aparılıb.

Sabah.az Baş Dövlət Yol Polisi İdarəsinə istinadən xəbər verir ki, həmin müddətdə Bakı-Quba yolunun 45.2-ci km-də yerləşən keçid postundan 34-ü rayon, 204-ü paytaxt istiqamətinə olmaqla 238  nəqliyyat vasitəsinin geri qaytarılması təmin edilib.     

Bakı-Şamaxı-Yevlax yolunun 86-cı km-də yerləşən keçid postundan 21-iü rayon, 29-u paytaxt istiqamətinə olmaqla 50 nəqliyyat vasitəsinin geri qaytarılıb. 

Bakı-Qazax-Gürcüstan yolunun 65-ci km-də yerləşən keçid postundan 39-u rayon, 55-i paytaxt istiqamətinə olmaqla 94 nəqliyyat vasitəsinin geri qaytarılması təmin edilib.     

Gün ərzində 382 nəqliyyat vasitəsinin hərəkəti məhdudlaşdırılıb, postların yerləşdiyi ərazidə karantin rejiminin pozulmasına görə 3 nəfər məsuliyyətə cəlb edilib.

Martın 19-dan aprelin 1-dək  8 579 nəqliyyat vasitəsinin rayon, martın 24-dən aprelin 1-dək isə 60 39 nəqliyyat vasitəsinin paytaxt istiqamətinə geri qaytarılması təmin edilib.      

Ümumilikdə bu günədək 14 min 618 nəqliyyat vasitəsi ilə postlardan keçmək cəhdinin qarşısı alınıb.