Azərbaycanın İnterpol vasitəsilə beynəlxalq axtarışa verdiyi türkiyəli biznesmen tutulub.

Sabah.az “Qafqazinfo”ya istinadən xəbər verir ki, Cinayət Məcəlləsinin 213.3-cü (külli miqdarda vergiləri, işsizlikdən sığorta və məcburi dövlət sosial ödənişlərindən yayınma) maddəsi ilə ittiham edilən və ölkədən çıxdığına görə barəsində axtarış elan edilmiş Türkiyə vətəndaşı, 1964-cü il təvəllüdlü Şükrü Çakır İtaliya polisi tərəfindən saxlanılıb. Onun Azərbaycana ekstradisiyası üçün tədbirlərin görüldüyü bildirilir.

Məlumata görə, Şükrü Çakır Azərbaycanda bir sıra dövlət layihələrinin podratçısı olan “Çakır Yapı” şirkətinin prezidentidir.