Hava şəraiti ilə əlaqədar ölkənin avtomobil yollarının vəziyyəti açıqlanıb.

Sabah.az xəbər verir ki, bu barədə Azərbaycan Avtomobil Yolları Dövlət Agentliyindən məlumat verilib.

Saat 10:00-a olan məlumata görə:

“ZƏFƏR” yolu - Qar yağır, marşrut boyu 8-10 dərəcə şaxta var. Yolda buzlaşmaya qarşı müvafiq tədbirlər görülüb, nəqliyyat vasitələrinin normal hərəkəti təmin olunub.

Toğanalı - Kəlbəcər - İstisu - Qar yağır, yolun Toğanalı kəndindən Murovdağ tuneli istiqamətində və tunelin başlanğıc hissəsindən Murovdağ istiqamətində şinləri zincirlənmiş nəqliyyat vasitələrindən istifadə olunması tövsiyə olunur. Yolun qardan təmizlənməsi işləri aparılıb. “Ömər aşırımı”na doğru yüksəkliyə qalxdıqca 15-18 dərəcə şaxta müşahidə olunur. Yolda əmələ gəlmiş buzlaşmaya qarşı müvafiq tədbirlər görülüb.

Bakı - Quba - Rusiya Federasiyası ilə dövlət sərhədi avtomobil yolu - Yolun Şabran, Quba və Qusar rayonları ərazisində 5-6 sm qar yağmış, hazırda zəif qar yağır, 4-5 dərəcə şaxta var. Yolun qardan təmizlənməsi işləri aparılıb, qum-duz səpilib. Xınalıq kəndi ərazisində 14 dərəcə şaxta var. Yolda nəqliyyat vasitələrinin hərəkəti təmin olunub.

Giləzi - Xızı - Xızı rayonu ərazisində güclü qar yağır. Gecə saatlarından başlayaraq yolun qardan təmizlənməsi işləri aparılıb, bununla yanaşı yağıntı davam edir. Marşrut boyu 5-7 dərəcə şaxta var. Sürücülərə şinləri zincirlənmiş nəqliyyat vasitələrindən istifadə olunması tövsüyyə olunur.yolda nəqliyyat vasitələrinin hərəkət təmin olunub.

Qobustan - Şamaxı - Muğanlı - Marşrut boyu qar yağır, gecə saatlarından başlayaraq yolun qardan təmizlənməsi işləri aparılıb, bununla yanaşı qum-duz səpilib. Marşrut boyu külək və 6-8 dərəcə şaxta müşahidə olunur. Yollarda nəqliyyat vasitələrinin hərəkəti təmin olunub.

Muğanlı - Ağsu - Yevlax - Yağıntı davam edir, Muğanlı ərazisində 4-5 dərəcə şaxta var. Yollarda buzlaşmaya qarşı tədbirlər görülərək nəqliyyat vasitələrinin hərəkəti təmin olunub. Ağsu dolaylarında yolun qardan təmizlənməsi işləri aparılıb. Ağsu dolaylarında şinləri zincirlənmiş nəqliyyat vasitələrindən istifadə olunması tövsiyə olunur.

Muğanlı - İsmayıllı - Yağıntı davam edir, marşrut boyu 6-7 dərəcə şaxta var. Yollarda nəqliyyat vasitələrinin hərəkəti təmin olunub.

Yevlax - Şəki (Göybulaq) - Qar yağır, marşrut boyu 1-2 dərəcə şaxta var. Yollarda buzlaşmaya qarşı tədbirlər görülərək nəqliyyat vasitələrinin hərəkəti təmin olunub.

İsmayıllı - Qəbələ - Oğuz- Şəki - Qar yağır, marşrut boyu 5-7 dərəcə şaxta var. Yolun İsmayıllı - Qəbələ hissəsində buzlaşmanın aradan qaldırılması ilə əlaqədar müvafiq tədbirlər aparılıb. Şinləri zincirlənmiş nəqliyyat vasitələrindən istifadə olunması tövsiyə olunur. Yolun Qəbələ-Oğuz-Şəki hissəsində zəif qar yağır, körpülərdə və yolun meşə zolağından keçən hissələrində əmələ gəlmiş buzlaşmaya qarşı müvafiq tədbirlər görülüb. Yolda nəqliyyat vasitələrinin hərəkət təmin olunub.

Şəki - Qax - Zaqatala - Qar yağır, marşrut boyu 1-2 dərəcə şaxta var. Yolda nəqliyyat vasitələrinin normal hərəkəti təmin olunub.

Şəmkir - Gədəbəy - Marşrut boyu qar yağır, qarın hündürlüyü 5-6 sm-dir. 10-11 dərəcə şaxta var. Yolda nəqliyyat vasitələrinin normal hərəkəti təmin olunub.

Gəncə - Daşkəsən - Marşrut boyu qar yağır, 10 dərəcə şaxta var. Yolda nəqliyyat vasitələrinin normal hərəkəti təmin olunub.

Ələt - Astara - Qar yağır, marşrut boyu 2-3 dərəcə şaxta var. Yolda nəqliyyat vasitələrinin normal hərəkəti təmin olunub.

Masallı - Yardımlı - Lənkəran - Lerik - Marşrut boyu zəif qar yağır, Yardımlı rayonu ərazisində 2-3 dərəcə, Lerik rayonu ərazisində 7-8 dərəcə şaxta var. Yollarda buzlaşmaya qarşı müvafiq tədbirlər görülüb. Yolda nəqliyyat vasitələrinin normal hərəkəti təmin olunub. Yolda şinləri zincirlənmiş nəqliyyat vasitələrindən istifadə olunması tövsiyə olunur.

Bakı - Ələt - Hacıqabul - Ucar - Yevlax - Gəncə - Qazax - Zəif yağıntı davam edir, yollarda nəqliyyat vasitələrinin hərəkəti təmin olunub.

Hacıqabul - Bəhramtəpə - Horadiz - Marşrut boyu zəif qar yağır, yolda qar yoxdur. Nəqliyyat vasitələrinin hərəkəti təmin olunub.