“Azərbaycan Dövlət Kukla Teatrında yoxlama davam etdirilmir və yenidən hər hansı bir yoxlamanın aparılması nəzərdə tutulmayıb”.

Sabah.az xəbər verir ki, bu barədə Mədəniyyət Nazirliyinin mətbuat katibi Nuridə Allahyarova feysbukda bildirib.

Onun sözlərinə görə, bəzi sosial media hesablarında yoxlamanın yenidən keçirilməsi ilə bağlı məlumatlar həqiqəti əks etdirmir.

Qeyd edək ki, noyabrın 21-dən Mədəniyyət Nazirliyi sözügedən teatrda yoxlamalar aparırdı. İddia olunurdu ki, teatrın rejissoru Səidə Haqverdiyevanın Mədəniyyət Nazirliyini tənqid etməsindən sonra teatra qarşı təzyiqlər başlayıb və yoxlamalar da bununla bağlıdır. Nazirliyin mətbuat katibi Nuridə Allahyarova isə bildirmişdi ki, Mədəniyyət Nazirliyinin tabeliyində fəaliyyət göstərən teatrlarda yol verilən pozuntu hallarına dair nazirliyə müraciətlər daxil olub, həmçinin bu barədə mediada məlumatlar yayılıb.