Fərhad Əhmədovun şirkəti məhkəməyə verildi

İQTİSADİYYAT
14:45
25 Noyabr 2022
220

Milyarder işadamı Fərhad Əhmədova məxsus “Aznar” şirkəti barəsində məhkəmə iddiası qaldırılıb.

Sabah.az “Qafqazinfo”ya istinadən xəbər verir ki, Türkiyə şirkəti olan “Airland iklimlendirme ticraret” “Aznar” barəsində Bakı Kommersiya Məhkəməsinə şikayət daxil olub.

İddiada qeyd edilib ki, “Aznar” sözügedən şirkətdən təsərrüfat üçün texnikalar alıb, lakin müqavilə üzrə ödənişlər olunmayıb. İşə hakim Aytən Əliyevanın sədrliyi ilə baxılır.

Qeyd edək ki, bir neçə gün öncə Fərhad Əhmədov Dövlət Təhlükəsizlik Xidmətinə (DTX) çağırılaraq dindirilib. Onun adı şəhid polkovnik Babək Səmidlinin ordudakı qanunsuzluqlarla bağlı səs yazısının yayılmasında hallanırdı.  Belə ki, biznesmen məlum səs yazısını qeydə aldığını etiraf etsə də, səsin kim tərəfindən yayıldığı bəlli deyil.

Məlumat üçün bildirək ki, F.Əhmədov “Aznar”ın Müşahidə Şurasının sədridir. O, 1,7 milyard dollar sərvətlə dünyada 49-cu ən varlı insan hesab olunur.

Xəbər lenti