Bu gün Mətbuat Şurası İdarə Heyətinin yeni tərkibdə iclası keçirilib.

Sabah.az xəbər verir ki, iclasda Mətbuat Şurasının sədr müavinləri məlum olub.

Səadət Məmmədova və Vüqar Zifəroğlu Şuranın sədri Rəşad Məcidin müavini seçiliblər.

Bundan əlavə, Rey Kərimoğlu Nəzarət-Təftiş Komissiyasının (NTK) sədri, Əvəz Rüstəmov isə icraçı katib seçilib.

İclasda eyni zamanda Mətbuat Şurasının komissiyalarının da tərkibi müəyyən edilib.

Qeyd edək ki, sentyabrın 24-ü Rəşad Məcid Azərbaycan Mətbuat Şurasının yeni sədri seçilib.

Xatırladaq ki, o bu postda Şuraya 19 il rəhbərlik etmiş Əflatun Amaşovu əvəz edib.