“Qarabağ”ı Avroliqada gözləyən mükafat

İDMAN
10:55
27 Avqust 2022
440

Avropa Liqasının qrupunda yarışacaq “Qarabağ” uğurlu çıxış edəcəyi halda öz büdcəsini də artıra bilər.

Məlum olduğu kimi, Ağdam klubu G qrupunda “Olimpiakos” (Yunanıstan), “Frayburq” (Almaniya) və “Nant”la (Fransa) mübarizə aparacaq. Qrupun matçları aşağıda qeyd edilən bu tarixlərdə keçiriləcək:

1-ci tur: 8 sentyabr

2-ci tur: 15 sentyabr

3-cü tur: 6 oktyabr

4-cü tur: 13 oktyabr

5-ci tur: 27 oktyabr

6-cı tur: 3 noyabr

Sabah.az Qol.az-a istinadən xəbər verir ki, bu ilin iyulunda UEFA avrokubokların mükafat fondunu təsdiq edib. Buna əsasən, Avropa Liqasının qruplarında oynayacaq 32 klubun hər birinə 3 milyon 630 min avro mükafat veriləcək. Qrupdakı hər qələbəyə görə 630 min, heç-heçəyə görə isə 210 min avro mükafat nəzərdə tutulub. Bundan başqa, aşağıda qeyd edilən hallarda da klublar büdcələrini artıra bilərlər:

- Qrupun qalibi olduğuna görə - 1 milyon 100 min avro

- Qrupun ikincisi olduğuna görə - 550 min avro

- Pley-offdan 1/8 finala çıxdığına görə - 1,2 milyon avro

- 1/4 finala çıxdığına görə - 1,8 milyon avro

- 1/2 finala çıxdığına görə - 2,8 milyon avro

- Finala çıxdığına görə - 4,6 milyon avro

- Liqanın qalibi olduğuna görə - 4 milyon avro

Beləliklə, “Qarabağ” bu mövsüm Çempionlar Liqasının pley-off mərhələsində oynadığına görə 5 milyon avro, Avropa Liqasının qrupuna vəsiqə qazandığı üçün isə 3 milyon 630 min avro mükafatı təmin edib.

Xəbər lenti