İtaliyanın "Atalanta" klubunun qapıçısı Marko Sportielloda koronavirus aşkarlanıb.

Sabah.az klubun saytına istinadən xəbər verir ki, 27 yaşlı qolkiperin koronavirus testi müsbət çıxıb. Ancaq onda narahatlığa səbəb olacaq simptomlar olmadığı bildirilib.

Qeyd edək ki, italiyalı futbolçu bu mövsüm 4 matçda oynayıb.

Xatırladaq ki, bundan əvvəl İtaliyada Blez Matyuidi, Daniele Ruqani, Paolo Dibala ("Yuventus") kimi futbolçularda koronavirus aşkarlanıb. Həmçinin bu ölkənin əfsanəvi futbolçularından olan Paolo Maldini ilə yanaşı, onun "Milan"da çıxış edən oğlu Daniel Maldininin də koronavirusa yoluxduğu açıqlanıb.