Son vaxtlar unun qiymətinin bahalaşacağı haqda gəzən xəbərlərin ardından ölkəmizin bir sıra bölgələrində un qıtlığı yaranıb.

Sabah.az xəbər verir ki, bu barədə “Xəzər xəbər”in süjetində bildirilib.

Qeyd olunub ki, Zaqatala, Balakən, Qax, Şəki rayonlarında son 1 həftədir ki un qıtlığı var. Sakinlər bildirirlər ki, satış nöqtələrində un tapmırlar.

Satıcıları unu digər rayonlarda un istehsal edən iri dəyirmanlardan tədarük edirlər. Hazırda isə bu dəyirmanlardan bilinməyən səbəblərdən bir həftədir ki un gəlmir.

Sakinlər isə unun olmamasını qiymətinin qalxacağı ilə əlaqələndirirlər.

Şimal qərb bölgəsini unla təmin edən MMC-nin Şəki bölməsindən bildirilib ki, respublikada bütün dəyirmanlarda, o cümlədən bu dəyirmanda da ildə bir dəfə profilaktiki sazlama, dezinfeksiya tədbirləri aparılır. Bu oxşar müəsisələrdə mərhələlərlə aparılır ki, una təlabat pozulmasın. Müəssisədə bütün tədbirlər artıq başa çatıb və buğda tədarükünə başlanıb.

O da qeyd edilib ki, dəyirman bölgədə olan un tələbatını tam ödəyir.